Xizmatlar
Butun yoʻlni siz bilan birga bosib oʻtamiz
“Qaysi dasturni tanlasam ekan?” degan savoldan “Yetib keldim. Endi-chi?” degan savolgacha.
Har bir arizaga yetarlicha vaqt va eʼtibor ajratish uchun har bir qabul mavsumida cheklangan sondagi mijozlar bilan ishlaymiz. Qaysi xizmatni tanlashingizdan qatʼi nazar, ishingizni yordamchi emas, jamoamizdagi ikki mutaxassisdan biri koʻrib chiqadi.
Kimlar uchun
Oʻzbekiston va mintaqaning boshqa mamlakatlaridagi talabalar hamda bitiruvchilar uchun. AQSH yoki Yevropada magistratura yoki LL.M. dasturida oʻqishni rejalashtiryapsizmi? Toʻliq paketni, alohida xizmatni yoki hujjat topshirishdan oldingi bir yillik tayyorgarlikni tanlang.
Paketlar
Butun arizangiz, boshidan oxirigacha
Shu mavsumda hujjat topshirayotganlar uchun ikkita paket. Ikkalasida ham qabul kafolatimiz bor.
Ikkala paketga kiradi
- Profilingizni baholash
- Siz bilan birgalikda tuzilgan dasturlar roʻyxati
- Rezyume va ariza hujjatlari
- Har bir insho boʻyicha fikr-mulohaza
- Stipendiya strategiyasi
- Suhbatga tayyorgarlik
- Qabul kafolatimiz
Ular nimasi bilan farq qiladi
Essentials
Full
Roʻyxatingizdagi dasturlar
Essentials
10
Full
12
Insho boʻyicha fikr-mulohaza
Essentials
Har bir insho uchun 3 bosqich
Full
Cheklanmagan
Biz bilan qoʻngʻiroqlar
Essentials
5
Full
Cheklanmagan
Arizalarni topshirish
Essentials
Siz topshirasiz; yuborishdan oldin har birini tekshiramiz
Full
Arizalaringizni siz bilan birgalikda tayyorlaymiz va topshiramiz, har bir bosqichda fikringizni inobatga olamiz.
Stipendiyalar
Essentials
Strategiya
Full
Strategiya va moliyalashtirish miqdori boʻyicha muzokara
Qabuldan keyingi koʻmak
Essentials
Kirmaydi
Full
Kiradi
Bizning kafolatimiz
Qabul qilinishingizga kafolat beramiz.
Universitetlar roʻyxatini birgalikda tuzamiz. Unga ham yuqori maqsadli tanlovlaringizni, ham kirish imkoniyatingizni real deb baholaydigan universitetlarni kiritamiz. Qaysi biri qaysi toifaga kirishini ochiq aytamiz.
Agar siz biz tavsiya qilgan barcha ishlarni bajarsangiz, kelishilgan muddatlarga rioya qilsangiz va roʻyxatdagi barcha universitetlarga hujjat topshirsangiz-u, ularning hech biri sizni qabul qilmasa, bizga toʻlagan pulingizni toʻliq qaytaramiz.
Kafolat ikkala paketga ham tegishli. U alohida xizmatlar va Profile Building dasturiga taalluqli emas, chunki ularda arizangizning faqat bir qismini koʻramiz.
Stipendiyalar
Stipendiya olishga kafolat bera olmaymiz. Kimga moliyaviy yordam ajratishni universitetlar hal qiladi, biz esa bu qarorni qabul qiladigan komissiyalar tarkibiga kirmaymiz. Biz nima qila olamiz? Profilingizga oʻxshash nomzodlarni avval ham moliyalashtirgan universitetlarni tanlaymiz, arizangizni erta topshiramiz va nomzodligingizni imkon qadar kuchli, lekin faktlarni boʻrttirmagan holda taqdim etamiz. Agar moliyalashtirish boʻyicha maqsadingizga erishish real emas deb hisoblasak, buni oxirida emas, boshidayoq aytamiz.
Qabul qilinganingizdan keyin
Full paket doirasida universitetdan taklif olganingizdan keyin ham sizni yolgʻiz qoldirmaymiz. Keyingi qadamlar va ularning ketma-ketligini tushuntiramiz: I-20 shakli, SEVIS toʻlovi, DS-160 viza anketasi va viza suhbati. Shuningdek, AQSHda uy ijarasi va kafil masalalari qanday ishlashini, hali bormasdan turib turar joyni qayerdan izlashni tushuntiramiz. Universitetda tahsil olayotgan talabalar bilan ham tanishtiramiz.
Alohida xizmatlar
Arizangizning bitta qismida yordam
Toʻliq paket hammaga ham kerak emas. Bularning istalganini alohida olishingiz va faqat tanlaganingiz uchun toʻlashingiz mumkin.
Nimadan boshlash kerak
Biz bilan 45 daqiqalik suhbat. Sizni qiynayotgan savollarni olib keling. Vaziyatingizni xolis baholab, nimadan boshlash va keyin qanday yoʻl tutish kerakligini ochiq aytamiz.
Baholaringiz, ish tajribangiz, ingliz tili darajangiz va shaxsiy hikoyangiz boʻyicha yozma tahlil. Unda kuchli tomonlaringiz, nimalarni yaxshilash kerakligi va qaysi universitetlarga kirish imkoniyatingiz real ekani koʻrsatiladi.
Siz uchun tavsiya etilgan 10 ta universitet va dastur, kirish imkoniyatlari, muddatlari hamda ariza toʻlovidan ozod boʻlish uchun yordam. Bu sizga 1 000 dollargacha tejash imkonini berishi mumkin.
Yozma materiallaringiz
Birinchi gʻoyadan yakuniy variantgacha. Rejani siz bilan birga tuzamiz, soʻng yozgan matningizning uchta toʻliq variantini oʻqib, izoh va tavsiyalar beramiz.
Muayyan universitet va dasturlarga mos insholar hamda ixtiyoriy insholar. Har biriga birdek eʼtibor qaratamiz.
Matningizni Amerika auditoriyasiga moslab qayta ishlaymiz, shunda universitetingiz haqida hech qachon eshitmagan odam ham uni tushunadi.
Profilni boshidan oxirigacha toʻgʻri yozamiz va keyin nimalarni eʼlon qilish boʻyicha qisqa reja beramiz.
Kimdan va qachon tavsiyanoma soʻrashni, bunga qanday tayyorlanishni tushuntiramiz. Tavsiya beruvchi matnni ulashsa, uni ham koʻrib chiqamiz.
Topshirishdan oldin
Bitta tayyor ariza yuborishdan oldin toʻliq tekshiriladi: har bir maydon, har bir fayl, har bir talab.
Rezyume, insholar, baholar varaqasi, anketalar va test natijalarini birgalikda koʻrib chiqamiz. Soʻng arizangizni yaxshilash boʻyicha aniq tavsiyalarni yozma ravishda beramiz.
Topshirgandan keyin
Sizga berilishi mumkin boʻlgan savollar asosida bir soatlik sinov suhbati va yakunda samimiy, ochiq fikr-mulohaza.
Profilingizga mos moliyalashtirish imkoniyatlarini qayerdan topish, qaysilariga ariza topshirish va taklif qilinganidan koʻproq moliyaviy yordam olish boʻyicha qanday muzokara olib borish kerakligini tushuntiramiz.
Takliflaringizni birgalikda koʻrib chiqamiz va universitetlardan koʻproq moliyaviy yordam soʻrashda yordam beramiz. Faqat qoʻshimcha mablagʻ olishga muvaffaq boʻlsangizgina toʻlaysiz.
Koʻchib borish va moslashish
Qaysi hujjatlarni va qanday tartibda tayyorlashni tushuntiramiz, DS-160 anketasini toʻldirishda yordam beramiz va viza suhbatiga tayyorlaymiz. Shuningdek, I-20 hujjati, SEVIS toʻlovi va borishdan oldin turar joy topish masalalarini ham koʻrib chiqamiz.
Diplom bilan cheklanib qolmoqchi boʻlmagan yuristlar uchun: advokatlik imtihonini topshirish huquqiga egamisiz, tayyorgarlikni qachon boshlash kerak va oldinda qanday jarayonlar kutmoqda.
Agar joriy qabul mavsumida keyinroq paketlarimizdan birini sotib olsangiz, avval alohida xizmatlar uchun toʻlagan pulingizning bir qismi paket uchun toʻlovingiz hisobiga qoʻshiladi.
Viza masalasida biz sizga tayyorgarlik koʻrish va suhbatni mashq qilishda yordam beramiz. Biroq, viza olish huquqiga ega ekaningiz boʻyicha yuridik maslahat bermaymiz va hech qanday davlat idorasi oldida sizning vakilingiz boʻla olmaymiz. Hech kim viza olishingizni kafolatlay olmaydi. Agar savolingiz shaxsiy holatingizga bogʻliq boʻlsa, buni ochiq aytamiz va sizni tegishli malakaga ega mutaxassisga yoʻnaltiramiz.
Narxi
Toʻlov miqdori siz tanlagan paket yoki xizmatlarga bogʻliq. Bizga yozing yoki bepul 20 daqiqalik qoʻngʻiroqqa yoziling. Sizga amaldagi narxlar roʻyxatini yuboramiz. Ishni boshlashdan oldin ish hajmi, toʻlov va muddatlarni yozma ravishda kelishib olamiz.
Bu yil hujjat topshirmayapsizmi?
Profile Building bir-ikki yildan keyin hujjat topshirishni rejalashtirayotganlar uchun oʻn ikki oylik mentorlikdir.
Keling, gaplashamiz
Yana bir qadam oldinga tashlashga tayyormisiz?
Hozir qayerda ekaningizni va qayerga yetmoqchi ekaningizni ayting. Qolganini birga rejalashtiramiz.