Profile Building
Oʻzingiz xohlagan nomzodga aylanish uchun oʻn ikki oy
Hujjat topshirishdan oldingi oʻn ikki oylik mentorlik.
Bu dastur aynan shu qabul mavsumida emas, bir yoki ikki yildan keyin hujjat topshirishni rejalashtirayotganlar uchun. Bu vaqt sizning eng katta ustunligingiz, ammo koʻpchilik undan unumli foydalanmaydi. Tayyorgarlikni ortga suradi va hujjat topshirish muddatiga ikki oy qolganda hammasini shoshilinch bajarishga tushadi.
Kuchli ariza dekabrda yozilmaydi. U yil davomida, siz qilgan tanlovlar, amalga oshirgan ishlar va faoliyatingiz bilan tanish boʻlgan insonlar orqali shakllanadi.
Nima ustida ishlaymiz
Hammasi sizga moslab tuziladi. Roʻyxat berib, gʻoyib boʻlib qolmaymiz.
Baholaringiz, ish tajribangiz, ingliz tili darajangiz va shaxsiy hikoyangizni xolis baholashdan boshlaymiz. Kuchli tomonlaringiz va nimalarga koʻproq eʼtibor qaratish kerakligini ochiq aytamiz.
Sanalari bilan real reja: qachon tayyorlanish, testni qachon topshirish va moʻljallagan dasturlaringiz uchun qanday ball kerak.
Topshirishdan bir hafta oldin emas, yil davomida tuziladi va yangilanadi. Sizda doim tayyor variant boʻladi.
Profilingizni shunday shakllantiramizki, uni boshqalarga koʻrsatishdan uyalmaysiz, aksincha, faxrlanasiz.
Sohangiz boʻyicha nimalar haqida yozish va fikrlaringizni oʻz uslubingizda qanday ifodalashni aniqlashga yordam beramiz. Muntazam ravishda yangi gʻoyalar beramiz va postlaringizni eʼlon qilishdan oldin koʻrib chiqamiz.
Qayerga yuborish, muharrirlar nimani kutadi va universitet ishini qanday qilib nashrga tayyor maqolaga aylantirish.
Qaysi onlayn kurslar va sertifikatlar vaqtingizga arziydi, qaysilari esa hech narsa qoʻshmaydi.
Mut-kortlar, tanlovlar, pro bono ishlar, yuridik klinikalar, talabalar tashkilotlari. Haqiqatan muhim boʻlgan bir nechtasini tanlashga yordam beramiz.
Siz real yutib olishingiz mumkin boʻlgan yozgi maktablar, stipendiya dasturlari, almashinuvlar va konferensiyalar. Ularning bir nechtasi toʻliq moliyalashtiriladi.
Sohangizda kimlar bilan tanishish kerak, ularga noqulayliksiz qanday murojaat qilish va nima deyish. Bu koʻnikma va uni oʻrganish mumkin.
Tavsiyanoma beruvchilarni oxirgi daqiqada izlamaymiz, oldindan tanlaymiz. Yil davomida ular bilan professional aloqalar oʻrnatishingizga yordam beramiz, shunda tavsiyanomalarni ishingizni yaxshi biladigan insonlar yozadi.
Yil oxirida arizangiz siz haqingizda nima deyishini bilasiz, chunki oʻn ikki oy shu bilan yashagan boʻlasiz.
Yil qanday oʻtadi
1-oy
Toʻliq baholash va sanalari bilan yillik yozma reja.
Har oy
Biz bilan qoʻngʻiroq: natijalarni koʻrib chiqamiz, toʻxtab qolgan joylarni hal qilamiz va keyingi qadamlarni belgilaymiz. Qoʻngʻiroqlar orasida bizga istalgan vaqtda yozishingiz mumkin.
Har uch oyda
Batafsilroq tahlil. Nimalar oʻzgargani, qaysi ishlar samara berayotgani va nimalarni yaxshilash kerakligini koʻrib chiqamiz. Soʻng rejani vaziyatingizga qarab, xolisona yangilaymiz.
12-oy
Yil davomida erishgan natijalaringizni birgalikda koʻrib chiqamiz va hujjat topshirishga tayyorlaymiz. Shuningdek, profilingiz va maqsadlaringizga mos keladigan dasturlarning qisqa roʻyxatini tuzamiz.
Narxi
Bizga yozing yoki bepul qoʻngʻiroqqa yoziling, amaldagi narxni aytamiz. Toʻlovni birdaniga yoki uch qismga boʻlib toʻlash mumkin, narx oʻzgarmaydi.
Keling, gaplashamiz
Yana bir qadam oldinga tashlashga tayyormisiz?
Hozir qayerda ekaningizni va qayerga yetmoqchi ekaningizni ayting. Qolganini birga rejalashtiramiz.